„ჩვენი მუნიციპალიტეტის ბიუჯეტის 95% არის თქვენი ხელებით მოპოვებული." - ასე მიმართა ტყიბულის მერმა მეშახტეებს, რომლებიც ამ წუთებში ტყიბულის ცენტრში აქციას მართავენ.
„შახტები იმუშავებს და ეს ჩვენს ინტერესშია" - განაცხადა მერმა.
მისივე თქმით, ის დღეს ესაუბრა შახტის დირექტორს, ჯამბულ ჯაყელს, რომელმაც უთხრა, რომ დღეს ადმინისტრაციის წამყვან პოზიციაზე მომუშავე პირებს დაკავებული თანამდებობებიდან გაათავისუფლებენ. მათ შორის გია ქარქაშაძის გვარი გაჟღერდა, რომელიც წარმოების დირექტორია კომპანია „საქნახშირში“.
მისივე თქმით, „სანამ ნორმალურ რეჟიმში აღდგება შახტების მუშაობა, ყველა მიიღებს ხელფასს." - თქვა მერმა, თუმცა შეკითხვაზე, გაფორმდება თუ არა ამ პირობის შესახებ ოფიციალური შეთანხმება, ვერ უპასუხა. მისი თქმით, „ყველაფერი შესაძლებელია" .