ბარსელონაში მიმდინარე წყალბურთელთა ევროპის ჩემპიონატი საქართველოს ნაკრებმა გამარჯვებით და ისტორიული ადგილით დაასრულა.
ქართველმა სპორტსმენებმა პლეი-ოფში სლოვაკები დაამარცხეს, ანგარიშით 8:6 და მე-13 ადგილი დაიკავეს. საქართველოსთვის ეს ისტორიული შედეგია. 2014 წელს ჩვენმა ნაკრებმა ვერცერთი თამაში ვერ მოიგო, 2016 წელს კი 16 გუნდში მე-14 ადგილი დაიკავა.
ევროპირველობაზე, საქართველოს ნაკრებმა აქამდე ოთხი შეხვედრა გამართა. A ჯგუფში ქართველი სპორტსმენები იტალიელებთან, გერმანელებთან და უნგრელებთან დამარცხდნენ, ბოლო მატჩში კი თურქეთთან გამარჯვება შეძლეს.