NDI-ის კვლევის თანახმად, მოსახლეობის 30%-ს თქმით არ იცის ხმას ვის მისცემდა, ხვალ რომ საპარლამენტო არჩვნები ტარდებოდეს. 

მოსახლეობის 20% ამბობს, რომ ხმას „ქართულ ოცნებას" მისცემდა, „ერთიან ნაციონალურ მოძრაობას" - 11%. 15% ამბობს, რომ ხმას არცერთ პარტიას არ მისცემდა, 10% პასუხზე უარს აცხადებს. 

მოსახლეობის 43% ამბობს, რომ ხვალ რომ საპარლამენტო არჩევნები ტარდებოდეს მასში მონაწილეობას არ მიიღებდა. მხოლოდ 57% ამბობს, რომ მონაწილეობას მიიღებდა არჩევნებში. 

შეკითხვაზე, რომელი პარტია დგას თქვენს შეხედულებებთან ყველაზე ახლოს, 48% ამბობს, რომ არცერთი, 18% - „ქართული ოცნება", 10% - „ერთიანი ნაციონალური მოძრაობა", 7% - არ ვიცი, 5% - უარი პასუხზე, 3% - ლეიბორისტული პარტია, 10% - სხვა.

_____________________________________________________

საზოგადოების განწყობა საქართველოში 2018 წლის ივნისის გამოკითხვის შედეგები  NDI-ის დაკვეთით CRRC-საქართველომ ჩაატარა. 

კვლევა წარმოებს დიდი ბრიტანეთის მთავრობის UK aid-ის ფინანსური ხელშეწყობით.

საველე სამუშაოების თარიღები: 23 ივნისი - 8 ივლისი, 2018. 2409 დასრულებული ინტერვიუ (49% გამოპასუხება). საშუალო ცდომილების ზღვარი +/- 1,9% 

მეთოდოლოგია

 NDI და CRRC კვლევაში იყენებს სტრატიფიცირებული და კლასტერული შერჩევის მეთოდს

 სტრატიფიცირება – მოსახლეობის დაყოფა შედარებით ჰომოგენურ ჯგუფებად

 კლასტერინგი – თითოეული ჯგუფიდან (სტრატა) პატარა გეოგრაფიული არეალების შემთხვევითი შერჩევა

 შინამეურნეობის შერჩევა მოხდა შემთხვევითი შერჩევის პრინციპით

 რესპონდენტების შერჩევა მოხდა კიშის ცხრილის გამოყენებით

 არ ხდება შემთხვევით შერჩეული შინამეურნეობის ან პიროვნების ჩანაცვლება

 ყველა ინტერვიუ ჩატარდა პირისპირ ინტერვიუს მეთოდით, სამიდან რომელიმე ენაზე: ქართული, სომხური და აზერბაიჯანული.