დეკანოზებმა - დავით ქვლივიძემ და დავით ნოზაძემ საკონსტიტუციო სასამართლოს მიერ მარიხუანის მოხმარებაზე ყველა სახის სანქციის გაუქმების შესახებ პრესკონფერენცია გამართეს. დეკანოზები მოსამართლეებისგან გადაწყვეტილების შეცვლასა და ბოდიშის მოხდას მოითხოვენ. მათ საკონსტიტუციო სასამართლოს გადაწყვეტილებას „ერის გენოციდი“ და „ანტიეროვნული“ უწოდეს.
„არ არის სწორი, რომ ასეთი მნიშვნელოვანი საკითხები გადაწყვიტოს ოთხმა ადამიანმა. საერთოდ, მნიშვნელოვან საკითხებს უნდა წყვეტდეს მთელი ერი. რეფერენდუმი ხომ არსებობს. ნარკოტიკის ქვეშ ადამიანს საჭესთან თუ დაიჭერ, აუცილებლად უნდა აუკრძალონ მართვა, ნარკოტიკის ქვეშ არ შეიძლება იყო სამხედრო, ვისაც ბავშვებთან აქვს ურთიერთობა და ყველაზე მთავარი - ასეთი ადამიანი, ვინც მომხმარებელია, მისი შრომის წარმადობა არის ძალიან დაბალი, ასეთ კაცს უნდა მისცენ ნახევარი, მესამედი ხელფასი. უნდა იცოდეს, რომ ის არის ავადმყოფი“, - განაცხადა დეკანოზმა დავით ქვლივიძემ.
