ზოგადი უნარების გამოცდაში მინიმალური კომპეტენციის ზღვარი აბიტურიენტთა დაახლოებით 13%-მა ვერ გადალახა. ამის შესახებ „ლიბერალს“ შეფასებისა და გამოცდების ეროვნულ ცენტრში განუცხადეს. შარშან ზღვარი დაახლოებით აბიტურიენტების 12%-მა ვერ გადალახა. 

დღეს ზოგადი უნარების გამოცდის შედეგები გახდა ცნობილი. 

ზოგადი უნარების გამოცდაში ზღვარი გადალახულად მიიჩნევა, თუ აბიტურიენტმა მიიღო:

6 ივლისის პირველ სესიაში (თავდაპირველი გრაფიკით III ვარიანტი) - 24 ქულა და მეტი;
6 ივლისის მეორე სესიაში (თავდაპირველი გრაფიკით IV ვარიანტი) - 23 ქულა და მეტი;
7 ივლისის პირველ სესიაში (თავდაპირველი გრაფიკით I ვარიანტი) - 23 ქულა და მეტი;
7 ივლისის მეორე სესიაში (თავდაპირველი გრაფიკით II ვარიანტი) - 22 ქულა და მეტი.