ინდონეზიაში, კუნძულზე ლომბოკზე კვირას მომხდარი დამანგრეველი მიწისძვრის შედეგად დაახლოებით 91 ადამიანია დაღუპული, ასობით ადამიანი კი დაშავებულია. - ამის შესახებ ინფორმაციას ოფიციალურ პირებზე დაყრდნობით BBC ავრცელებს.
6.9-ბალიანი მიწისძვრის შედეგად დაინგრა და დაზიანდა ათასობით შენობა. BBC-ის ცნობით 1000 ტურისტია ევაკუირებული კუნძულ ბალიდან, რომელიც კუნძულ ლომბოკს დასავლეთიდან ესაზღვრება. მიწისძვრის შედეგად ბალიზე ერთი ადამიანი დაიღუპა.
თავდაპირველად მოსახლეობა გაფრთხილებული იყო მოსალოდნელი ცუნამის შესახებ, თუმცა მოგვიანებით გაფრთხილება გააუქმეს. კუნძულ ლომბოკზე ერთი კვირის წინაც მოხდა მიწისძვრა, რასაც 16 ადამიანი ემსხვერპლა.
ფოტო: BBC