ბათუმში საკონსტიტუციო სასამართლოსთან მარიხუანის შესახებ მიღებული გადაწყვეტილების გასაპროტესტებლად აქცია იმართება. დემონსტრანტები ადგილზე ხატებით და რელიგიკური ატრიბუტებით არიან მისული და ლოცვებს კითხულობენ.
Facebook-ზე აქცია გურამ ფალავანდიშვილის ორგანიზაცია „ბავშვთა უფლებების დაცვის საზოგადოებამ" დააანონსა, სადაც უთითებენ, რომ აქციის ორგანიზატორია „საქართველოს მართლმადიდებელი სამოციქულო ეკლესიების მღვდელმსახურნი და მრევლი".
დემონსტრანტები მარიხუანის საკითხზე სასამართლოს მიერ მიღებული გადაწყვეტილების უკან წაღებას მოითხოვენ. ისინი ასევე მოითხოვენ, საქართველოს საკონსტიტუციო სასამართლოს, „როგორც ქართული საზოგადოებისთვის უკიდურესი საფრთხის შემცველი ორგანოს საერთოდ გაუქმებას".
--
„გირჩის" ლიდერების საკონსტიტუციო სარჩელზე სასამართლოს გადაწყვეტილებით, მარიხუანის მოხმარებაზე ამიერიდან არანაირი სანქცია აღარ გავრცელდება.
ამ გადაწყვეტილებამდე მარიხუანის მოხმარება მხოლოდ ადმინისტრაციული წესით ისჯებოდა და 500 ლარის ოდენობით დაჯარიმებას ან 1-დან 6 თვემდე გამასწორებელ სამუშაოებს ითვალისწინებდა.
ბევრმა საკონსტიტუციოს გადაწყვეტილება მარიხუანის ლეგალიზაციად მიიჩნია. მათ ჰგონიათ, რომ ამიერიდან მარიხუანის მოწევა თავისუფლად შეეძლებათ და არანაირი სანქცია არ დაემუქრებათ.
თუმცა იურისტების განმარტებით, საქმე არც ისე მარტივადაა (ზოგიერთისთვის რთულად), როგორც ეს სოციალურ ქსელში თუ სხვადასხვა პოლიტიკური ძალის განცხადებებიდან ჩანს.
ადამიანის უფლებების სწავლებისა და მონიტორიგნის ცენტრის (EMC) იურისტის, სოფო ვერძეულის განმარტებით, საკონსტიტიციო სასამართლოს გადაწყვეტილების საფუძველზე მოხდა მხოლოდ ის, რომ ორგანიზმში მარიხუანის მოხმარების კვალის აღმოჩენა აღარ დაისჯება.
წაიკითხეთ ვრცლად „ლიბერალიზე":
