„უფასო ფაკულტეტების საკითხის შესწავლისას გამოჩნდა, რომ შედეგები ის არ არის, რაც მოლოდინი იყო, ამიტომ პროგრამას რეფორმა შეეხება“, - განაცხადა განათლების, კულტურის, მეცნიერების და სპორტის მინისტრმა, მიხეილ ბატიაშვილმა მთავრობის სხდომის დასრულების შემდეგ.
„უფასო ფაკულტეტების მიმართულებით გამოყოფილია დაახლოებით 12 მილიონი ლარი. ვფიქრობთ, ამ მიმართულებით გვჭირდება რეფორმირება. ეს საკითხი შედეგის მხრივ არაეფექტურად მუშაობს. ეს არის ერთ-ერთი საკითხი, რომელსაც რეფორმა შეეხება. მუშავდება რამდენიმე შეფასების სისტემა, რომელიც ვფიქრობთ, შემოდგომაზე გაცხადდება. ეს ყველაფერი მიმართული იქნება იქით, რომ ჩვენს მოსწავლეებს და სტუდენტებს სწავლის ხარისხი გაუუმჯობესდეთ“, - განაცხადა ბატიაშვილმა.
მისივე თქმით, განათლების სამინისტრო სექტემბერში წარსადგენ რეფორმების პაკეტს ამზადებს, რომელიც ხუთივე საფეხურს შეეხება.
მინისტრმა განაცხადა, რომ მთავრობის სხდომაზე განიხილეს უმაღლეს სასწავლებლებში მომავალი პედაგოგების დაფინანსების საკითხიც.
„ვფიქრობ, რომ ძალიან მნიშვნელოვანი საკითხია, იმიტომ, რომ შეეხება ახალგაზრდა, მომავალი პედაგოგების დაფინანსების საკითხს. იმიტომ, რომ განათლებას სჭირდება მომავალი ახალგაზრდა თაობა, რომელიც აქტიურად იქნება ჩართული განათლებაში“.
