ტობავარჩხილზე დაკავებულ მამაკაცს, რომელიც ბრალად ტურისტების მიმართ იძულება ედებოდა, ზუგდიდის რაიონულმა სასამართლომ 10 თვით თავისუფლების აღკვეთა მიუსაჯა.
საპროცესო შეთანხმების საფუძველზე მსჯავრდებული 3 თვეს ციხეში გაატარებს, ხოლო 7 თვე პირობითით გათავისუფლდება.
შემთხვევა ტობავარჩხილზე რამდენიმე დღის წინ მოხდა. როგორც დაკავებულის ადვოკატი აცხადებდა, ბრალდებული მამაკაცი ტურისტების კარავში შესვლას და სექსუალური კონტაქტის დამყარებას ცდილობდა.
„ჩემი დაცვის ქვეშ მყოფი მუხურში დაემგზავრა ორ გერმანელ ტურისტს და ლუგელასხეობისკენ გააცილა. მან კარავში შესვლა სექსუალური კონტაქტის დამყარების მიზნით სცადა, თუმცა ტურისტებმა 112-ში დარეკეს. ჩემი დაცვის ქვეშ მყოფი ალკოჰოლური ზემოქმედების ქვეშ იყო. დანაშაულს აღიარებს და ინანიებს მომხდარს”, - უთხრა ჟურნალისტებს შოთა ჩიქოვანმა.