თბილისის მერიამ დიზელის საწვავზე მომუშავე 90 ავტობუსი 45 მლნ ლარად შეიძინა. ელექტრონულ ტენდერში, რომელიც მერიის თბილისის სატრანსპორტო კომპანიამ გამოაცხადა, გაიმარჯვა კომპანია „თეგეტა თრაქ ენდ ბასმა", რომელიც ერთადერთი პრეტენდენტი იყო. 

ტექნიკურ მოთხოვნებში, მერიას მითითებული ჰქონდა, რომ ავტობუსს უნდა ჰქონოდა დიზელის საწვავზე მომუშავე ძრავი, არანაკლებ Euro VI ემისიის სტანდარტის შესაბამისი, რასაც, დოკუმენტაციის თანახმად, შესყიდული ავტობუსის პარამეტრები აკმაყოფილებს. 

ავტობუსს, პარამეტრების თანახმად, 27+1 დასაჯდომი ადგილი აქვს და 82 მგზავრს იტევს.

ერთი ავტობუსი მერიას ნახევარი მლნ ლარი დაუჯდა. შესყიდული ავტობუსების გარანტიის მოქმედების ვადა 160 დღე, ოდენობა კი 450 000 ლარია.