პრაქტიკოს მასწავლებელთა კომპეტენციის დადასტურების და მასწავლებლობის მსურველთა საგნის გამოცდის შედეგების გამოაქვეყნება გამოცდების ეროვნულმა ცენტრმა დღეს დაიწყო.
დღეს ქართული ენა და ლიტერატურის (VII-XII), მათემატიკის (VII-XII), გეოგრაფიის (VII-XII), სამოქალაქო განათლების (VII-XII), ფიზიკის (VII-XII), ქიმიის (VII-XII), ბიოლოგიის (VII-XII), დაწყებითების (I-IV), პროფესიული უნარების, ქართული ენა და ლიტერატურის (I-VI), მათემატიკის (I-VI), ბუნებისმეტყველების (I-VI) გამოცდების შედეგები გამოაქვეყნდა.
ცენტრის განცხადების მიხედვით, სააპელაციო განაცხადების მიღება დაიწყება ყველა საგნის გამოცდის შედეგის გამოქვეყნების შემდეგ.
პრაქტიკოსი მასწავლებელი საგნობრივი და პროფესიული კომპეტენციების დადასტურების მიზნით ჩატარებულ ტესტირებაში მიღებული ქულების შესაბამის კრედიტქულებს მიიღებენ.
დღეს მასწავლებელთა პროფესიული განვითარების ცენტრმა ინფორმაცია გამოაქვეყნა, სადაც ასახულია პრაქტიკოსი მასწავლებლებისათვის საგნობრივი და პროფესიული კომპეტენციების დასადასტურებელი ტესტის ქულები სქემით გათვალისწინებული პროცენტების მიხედვით.
