თბილისში ერთ-ერთ საბავშვო ბაღში აღმზრდელის მიერ ბავშვზე სავარაუდო ძალადობის ფაქტზე გამოძიება დაიწყო.
უწყების ინფორმაციით, გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.
„სამართალდამცველებმა ფაქტის შესახებ მიღებული შეტყობინებისთანავე დაიწყეს გამოძიება, სისხლის სამართლის კოდექსის 126-ე პრიმა მუხლით, რაც არასრულწლოვნის მიმართ ძალადობას გულისხმობს. ამ ეტაპზე მიმდინარეობს აქტიური საგამოძიებო მოქმედებები", - განაცხადეს შსს-ში.
საუბარია 8 აგვისტოს მომხდარ ფაქტზე, რომელიც სოციალური ქსელით გუშინ გახმაურდა. კადრებში ჩანს, რომ ძიძა 8 თვის ბავშვს ფიზიკურად ეხება.
აღმზრდელი, რომლის შესახებაც მშობელმა „სოციალურ ქსელში“ ვიდეო გამოაქვეყნა, სამსახურიდან გაათავისუფლეს.