იტალიური მედიის ცნობით, ქალაქ გენუაში, 14 აგვისტოს საავტომობილო ხიდის ჩანგრევის დროს დაღუპულების რიცხვი 31-მდე გაიზარდა. მათ შორის 3 ბავშვია.
ქალაქ გენუას ადგილობრივმა ხელისუფლებამ დღევანდელი და ხვალინდელი დღეები გლოვის დღედ გამოაცხადა.
საავტომობილო ხიდი 14 აგვისტოს, შუადღისას, ჩამოინგრა. იტალიის მეხანძრეების ეროვნული კორპუსის ხელმძღვანელის, ემანუელე ჯისის განცხადებით, ხიდიდან დაახლოებით 30 მანქანა ჩავარდა. მაშველებმა ნანგრევებიდან 16 ადამიანი გამოიყვანეს. სამაშველო სამსახურის წარმომადგენლები ადგილზე მუშაობას განაგრძობენ.
