„ტურიზმზე როცა ვსაუბრობთ, ჯერ ვართ ყველაზე რთულ, არასასიამოვნო ეტაპზე, როცა ტურისტად ჩამოდიან სხვა ქვეყნების ყველაზე დაბალი ფენები. ეს ყველგან ხდებოდა და ხდება. ჩვენზეა დამოკიდებული, რომ ეს ტურიზმი ნელ-ნელა გადავაქციოთ ელიტარულ ტურიზმად, ჩამოვიყვანოთ ადამიანები, რომლებიც ინტერესდებიან ჩვენი ეკლესიებით, საგანძურებით“,- განაცხადა ზურაბიშილმა დიდ ჯიხაიშში, სადაც დღეს საარჩევნო კამპანია ოფიციალურად დაიწყო.
სალომე ზურაბიშვილმა 13 აგვისტოს ცესკოს საინიციატივო ჯგუფთან ერთად საპრეზიდენტო კანდიდატად რეგისტრაციისთვის მიმართა.
სალომე ზურაბიშვილის კანდიდატურა წარადგინა საინიციატივო ჯგუფმა, რომლის წევრებიც არიან: თეიმურაზ ბაბლუანი, ვახტანგ ლაღიძე, რუსუდან გლურჯიძე, სიმონ პეტრიდისი, ივანე იანტბელიძე, გურამ სულთანიშვილი, გიორგი კალანდია, ქეთევან კიღურაძე-გოგილაშვილი, თამარ ჩხეიძე, ივანე მაჭავარიანი, ანგი ხუციშვილი.