ქარელის რაიონის ერთ-ერთ სოფელში ახალგაზრდა მამაკაცი მოკლეს. „ინტერპრესნიუსის“ ინფორმაციით, 23 წლის მამაკაცი მეზობელმა შემთხვევით მოკლა.
როგორც „ლიბერალს“ შსს-ში უთხრეს, გამოძიება დაწყებულია სისხლის სამართლის კოდექსის 108-ე მუხლით, რაც განზრახ მკვლელობას გულისხმობს და 7-დან 15 წლამდე ვადით თავისუფლების აღკვეთას ითვალისწინებს.
„რაც შეეხება სავარაუდო დამნაშავეს, იდენტიფიცირებულია გამოძიების მიერ. მიმდინარეობს საგამოძიებო მოქმედებები, რის შემდეგაც იქნება კონკრეტული გადაწყვეტილება მიღებული მის დაკავებასთან დაკავშირებით“, - განმარტავენ შინაგან საქმეთა სამინისტროში.
