ანგელა მერკელის თქმით, ვიზალიბერალიზაციის შემდეგ საქართველოდან თავშესაფრის მაძიებელთა რიცხვმა იმატა, თუმცა ახლა მათი რაოდენობა მცირდება და ეს პრობლემა მნიშვნელოვანი არ არის.

„საქართველო ცალსახად უსაფრთხო ქვეყანაა. ვიზალიბერალიზაციის ამოქმედებიდან მალევე, მართლაც თავშესაფრის ბევრი მაძიებელი ჩამოვიდა. შემდეგ შემცირდა რაოდენობა.

საქართველოს პრემიერმაც ხაზი გაუსვა, რომ ასეთი პირების რაოდენობა კიდევ უფრო შემცირდება. ეს არ არის მნიშვნელოვანი ამბავი“, - თქვა მერკელმა გერმანელი ჟურნალისტის კითხვაზე საპასუხოდ, რომ გერმანიაში ბევრი ქართველი თავშესაფრის საძიებლად ჩადის.

გერმანელი ჟურნალისტის კითხვას უპასუხა საქართველოს პრემიერმაც. მამუკა ბახტაძის თქმით, თავშესაფრის მაძიებელთა რიცხი სულ უფრო კლებულობს. მაგალითად წლის დასაწყისში გასული წლის ზაფხულთან შედარებით მათი რაოდენობა 70%-ით შემცირდა.

„ორი ქვეყნის შესაბამისი სამსახურები ძალიან კარგად თანამშრომლობენ და ეს რიცხვი კიდევ უფრო შემცირდება“, - დასძენს მამუკა ბახტაძე.