შემოსავლების სამსახურის ინფორმაციით, სსიპ სოციალური მომსახურების სააგენტოსა და 31 სამედიცინო დაწესებულებაში C ჰეპატიტის პროგრამით განსაზღვრული სამკურნალო მედიკამენტების აღწერის მიზნით, საგადასახადო მონიტორინგის დეპარტამენტმა ინვენტარიზაცია დაიწყო.

მათივე განმარტებით, პროცესი მიმდინარეობს საქართველოს საგადასახადო კოდექსის 261-ე მუხლის შესაბამისად.

აღსანიშნავია, რომ გამოძიება ასევე დაწყებულია სუს-ის ანტიკორუფციული სააგენტომ მიერაც, C ჰეპატიტის ელიმინაციის სახელმწიფო პროგრამის ფარგლებში მედიკამენტების განაწილების პროცესში არსებულ შესაძლო დარღვევებთან დაკავშირებით. უწყებაში ამ ეტაპზე საქმესთან დაკავშირებულ სხვა დეტალებზე არ საუბრობენ.

ჯანდაცვის მინისტრის, დავით სერგეენკოს განმარტებით, სახელმწიფო უსაფრთხოების სამსახურმა გამოძიება C ჰეპატიტის სამკურნალო იმ მედიკამენტებთან დაკავშირებით დაიწყო, რასაც მიმდინარე წლის აპრილში, პაციენტთა დაბალი ჩართული გამო, ვადა გაუვიდა.

იმის გამო, რომ C ჰეპატიტის ელიმინაციის პროგრამაში პაციენტთა დაბალი ჩართულობაა, აუთვისებელი მედიკამენტების ნაწილს აპრილში ვადა გაუვიდა. სახელმწიფომ ის ჩამოწერა და ხმარებიდან ამოიღო, - დღეს გამართულ პრესკონფერენციაზე ჯანდაცვის მინისტრმა, დავით სერგეენკომ სუს-ის მიერ დაწყებულ გამოძიებასთან დაკავშირებით შეკითხვაზე ამგვარი განმარტება გააკეთა.

სერგეენკოს თქმით, იმისათვის, რომ საქართველომ მიზნად დასახულ ელიმინაციას მიაღწიოს, C ჰეპატიტის პროგრამაში თვეში მინიმუმ 3 500 პაციენტი უნდა ჩაერთოს, თუმცა პროგრამაში ყოველთვიურად საშუალოდ 1000 პაციენტი ერთვება. იმის გამო, რომ ვერ აითვისეს მედიკამენტები, მათ გარკვეული პერიოდის შემდეგ ვადა გაუვიდა, თუმცა აღსანიშნავია, რომ ვადაგასული მედიკამენტები ხმარებიდან ამოიღეს და პაციენტები ვადიან მედიკამენტებს იღებდნენ.

C ჰეპატიტის პროგრამაში პაციენტების დაბალი ჩართულობის გამო წამლები გამოუყენებელი დარჩა

C ჰეპატიტის პროგრამაში პაციენტთა ჩართვის მაჩვენებელი დაბალია - რა სახელდება ბარიერად