ხორავას ქუჩაზე მოკლული მოსწავლის მამა, ზაზა სარალიძე ამ წუთებში რუსთაველის გამზირზე პოლიციის წინააღმდეგობის დაძლევას ცდილობდა, რის შემდეგაც, მან გონება დაკარგა. „ლიბერალის" კორესპონდენტის ცნობით, მას და პანკისის ხეობაში მოკლული თემირლან მაჩალიკაშვილის მამას, მალხაზ მაჩალიკაშვილს პოლიციამ პარლამენტის წინ კარვის გაშლის საშუალება არ მისცა.
სარალიძე 21:00 საათზე განცხადებით გამოსვლას გეგმავდა, თუმცა აქციის მონაწილეებმა კარვის გაშლა წვიმის გამო გადაწყვიტეს.
მოგვიანებით, სარალიძე სასწრაფო სამედიცინო დახმარების მანქანაში ჩასვეს. როგორც აქციის მონაწილეები ამბობენ, იგი ინგოროყვას კლინიკაში გადაიყვანეს.
