მთავრობის სხდომის დასრულების შემდეგ შს მინისტრმა გიორგი გახარიამ მარიხუანის წარმოების რეგულირებაზე განაცხადა, რომ უნდა შეიქმნას სააგენტო, რომელიც მარიხუანის მოყვანის, წარმოების და გადამუშავების სალიცენზიო პირობებს, ტარიფებს და ა.შ. განსაზღვრავს. მინისტრის თქმით, სპეციალიზებული სააგენტოს მკაცრი კონტროლის მექანიზმებიც ექნება.
„რეგულაციების ნაწილზე შემიძლია გითხრათ, რომ აუცილებლად უნდა შეიქმნას სპეციალიზებული სააგენტო, რომლის ფარგლებშიც მოხდება სალიცენზიო პირობების დადგენა კონკრეტულ შემთხვევებში და კონკრეტულ პირობებში, ასევე სხვადასხვა სახის საქმიანობებზე იქნება სხვადასხვა ლიცენზიები, ეს არ შეიძლება იყო მხოლოდ და მხოლოდ წარმოება, ეს შეიძლება იყოს მოყვანა, წარმოება, გადამუშავება და ა.შ. ეს უნდა იყოს მკაცრად რეგულირებადი საქმიანობა, რომელსაც ეყოლება თავისი რეგულატორი და სადაც უმკაცრესი და რაც მთავარია ეფექტური კონტროლის მექანიზმები, კონტროლის მექანიზმები იქნება აბსოლუტურად ღია, გამჭვირვალე და ყველასთვი გასაგები. ამისთვის იქმნება სააგენტო, რომ განსაზღვროს ტარიფები, ლიცენზიის საფასური, ის კონკურისის სახეობები, რომლითაც ლიცენზიები უნდა გაიცეს და ა.შ.“, - განაცხადა გახარიამ.
