Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

„გირჩის“ ყველაზე მასშტაბური პროექტი - „შევქმნით ალტერნატიულ განათლების სისტემას"

14 სექტემბერი, 2018 14:01

„გირჩის“ პრეზიდენტობის კანდიდატმა, ზურაბ ჯაფარიძემ საგანგებო ბრიფინგზე „გირჩის“ კიდევ ერთი ინიციატივა დააანონსა, განათლების სისტემის შესახებ.

ზურაბ ჯაფარიძემ აღნიშნა, რომ დღეს პრემიერმა და განათლების მინისტრმა დაგეგმილ რეფორმებზე ისაუბრეს, თუმცა, მისი შეფასებით, ეს იყო „სტანდარტული წყალი“.

„ჩვენ მოვისმინეთ სტანდარტული წყალი. მათ შორის, მოვისმინეთ უშინაარსო დაპირებები და ვნახეთ დადგმული სპექტაკლი იყალთოში პატრიოტული ელემენტებით“, - განაცხადა ჯაფარიძემ. 

„გირჩის“ ახალი ინიციატივა კი გულისხმობს ალტერნატიული განათლების სისტემის შექმნას. 

„განათლების სფეროში არის ყველაზე კრიტიკული პრობლემები. ჩვენი აზრით, ეს არის სფერო რომელშიც ჩვენ ყველა ვხარჯავთ მილიარდებს და ვღუპავთ შვილებს. განათლების სფერო არის ის სფერო, რომელმაც გაანადგურა თაობები და დღესაც ასევე ანაგურებს და ეს იცის ყველა მშობელმა.

ჩვენც გვყავს შვილები. ჩემი შვილი, რომელიც ახლა ხდება 5 წლის და პრინციპში მინდოდა სკოლაში წაყვანა, მაგრამ სახელმწიფომ არ მომცა ამის საშუალება. არ ვაპირებ, რომ ამ სისტემაში შევიყვანო.  ჩვენ გვიყვარს ჩვენი შვილები და არ ვაპირებთ, საკუთარი შვილები მივანდოთ ამ სისტემას.

ამიტომ ვიწყებთ „გირჩის“ ისტორიაში, ალბათ, ყველაზე მასშტაბურ პროექტს, რომელსაც პირობითად სახელწოდება აქვს „თავისუფალი განათლება“ და ჩვენ შევქმნით ამ ქვეყანაში არსებული განათლების სისტემის ალტერნატიულ განათლების სისტემას. ეს იქნება თავისუფალი განათლების სისტემა, რომელშიც მივიყვანთ ჩვენს შვილებს და მოიყვანენ ის ადამიანები, რომლებსაც გააზრებული აქვთ, რა საზიანოა მათი შვილებისთვის არსებული განათლებს სისტემა.

ორშაბათს, საღამოს 8 საათზე ჩვენ გვექნება ამ პროექტის კონცეფციის პრეზენტაცია. ნებისმიერ მსურველს შეუძლია, მოვიდეს და დასვას შეკითხვები. დასწრება არის ფასიანი და ბილეთების შეძენა არის შესაძლებელი ონალინ. ამ პროექტის მიზანი არის არა მხოლოდ ალტერნატიული განათლების სისტემის შექმნა, არამედ არსებულის გათავისუფლება სახელმწიფოს მარწუხებისგან", - განაცხადა ზურაბ ჯაფარიძემ. 

კომენტარები

ამავე რუბრიკაში

22 სექტემბერი
22 სექტემბერი

მეუფე იაკობი კანაფის წარმოების კანონპროე ...

პატრიარქის ქორეპისკოპოსი, მეუფე იაკობი ფიქრობს, რომ ხელისუფლება კანაფის წარმოების შესახებ კანონპროექტს გამოიწვევს.& ...
22 სექტემბერი
22 სექტემბერი

„უშიშროების საბჭოში, ყველგან ჩვენი წარმო ...

ვანისა და ბაღდადის მიტროპოლიტი, მეუფე ანტონი, სახელმწიფო უშიშროების საბჭოსა და სხვადასხვა სახელმწიფო ორგანოში საპატრიარქ ...
22 სექტემბერი
22 სექტემბერი

ბახტაძე: კანაფის კულტივაციის ნაწილთან და ...

პრემიერ-მინისტრის, მამუკა ბახტაძის თქმით, მარიხუანის კანონპროექტზე, კერძოდ კანაფის კულტივაციასთან დაკავშირებით საზოგადოე ...
^