Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

შსს გორში18 წლის ახალგაზრდის დაღუპვის საქმეზე განცხადებას ავრცელებს

14 სექტემბერი, 2018 15:01

შსს გორში 18 წლის ახალგაზრდის დაღუპვის გამოძიებასთან დაკავშირებით განცხადებას ავრცელებს. მათივე ცნობით, გამოძიებას შსს საქართველოს სსკ-ს 117-ე მუხლის 1-ლი ნაწილით და 276-ე მუხლის მე-5 ნაწილით აწარმოებს, რაც გულისხმობს ჯანმრთელობის განზრახ მძიმე დაზიანებას და ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.

„გამოძიების პირველადი ინფორმაციით, მიმდინარე წლის 6 ივლისს გორის მუნიციპალიტეტის სოფელ ხელთუბნის მიმდებარე ტერიტორიაზე, საავტომობილო გზაზე მყოფ 1999 წელს დაბადებულ თ.მ.-ს შეეჯახა ამავე გზაზე მოძრავი „მერსედესის“ მარკის მიკროავტობუსი, რის შედეგადაც თ.მ. საავადმყოფოში მიყვანამდე გარდაიცვალა.

საქმეზე მიმდინარე გამოძიების ფარგლებში ხორციელდება კომპლექსური საგამოძიებო მოქმედებები, მათ შორის, ამოღებულია შემთხვევის ადგილის მიმდებარე ტერიტორიაზე არსებული ვიდეოსათვალთვალო კამერის ჩანაწერი, გამოკითხული 137 პირი. თ.მ.-ს გარდაცვალების ზუსტი მიზეზების დასადგენად, კერძოდ, იყო თუ არა პიროვნების სიკვდილი გამოწვეული ავტოსატრანსპორტო საშუალების შეჯახებით ან რაიმე სხვა გარემოებით, დანიშნულია ყველა შესაბამისი და კომპლექსური სამედიცინო ექსპერტიზა“, - ნათქვამია შსს-ს მიერ გვარცელებულ განცხადებაში. 

ვიდეო► დაღუპული 18 წლის ბიჭის საქმის გამოძიების მოთხოვნით გორთან ავტობანი გადაკეტეს

დღეს სოფელ ხელთუბნის მცხოვრებლებმა გორის ცენტრალური ავტობანი გადაკეტეს, რასაც პოლიციისგან წინააღმდეგობა მოჰყვა. აქციის მონაწილეები დაღუპული 18 წლის თორნიკე მერებაშვილის საქმის გამოძიებას მოითხოვენ. 

საპროტესტო აქცია გორში ამ წუთებშიც მიმდინარეობს. აქციას ზაზა სარალიძე და მალხაზ მაჩალიკაშვილი შეუერთდნენ. 

კომენტარები

ამავე რუბრიკაში

22 მარტი
22 მარტი

მამუკა ხაზარაძისთვის წერილი არ მიმიწერია ...

შინაგან საქმეთა მინისტრმა გიორგი გახარიამ „ტვ პირველის" ეთერში თიბისი ბანკის დამფუძნებლის, მამუკა ხაზარაძის მ ...
22 მარტი
22 მარტი

პარასკევს დეპუტატებმა ოთხ საათამდე ვიმუშ ...

საპარლამენტო უმრავლესობის წევრი შოთა შალელაშვილი პარლამენტის სხდომაზე დეპუტატებისთვის პარასკევს მოკლე სამუშაო ...
22 მარტი
22 მარტი

მთაწმინდის პანთეონში ძველი საფლავის ქვა ...

თბილისის მერიის ინფორმაციით, მთაწმინდის პანთეონში ინფრასტრუქტურული სამუშაოების მიმდინარეობისას, მიწისქვეშ ძველი საფლავის ...
^