საქართველოს ჟურნალისტური ეთიკის ქარტია „ლიბერალის” რედაქტორზე, ზურა ვარდიაშვილზე, თავდასხმის ფაქტს ეხმაურება.
„ლიბერალის" რედაქტორს, ზურა ვარდიაშვილს, თავს დაესხნენ - თავდამსხმელები არც დაუკითხავთ
ქარტია მოუწოდებს საქართველოს პროკურატურას, შეასრულოს კანონით მასზე დაკისრებული მოვალეობა, დაუყოვნებლივ მიანიჭოს ზურა ვარდიაშვილს დაზარალებულის სტატუსი (მას ამ დრომდე მხოლოდ მოწმის სტატუსი აქვს), რადგან აღინიშნება სიცოცხლის წინააღმდეგ ჩადენილი დანაშაული, ცნობილია დაზარალებული და სავარაუდო დამნაშავეები.
„დაზარალებულის სტატუსი ვარდიაშვილსა და მის ადვოკატს საშუალებას მისცემს, გაეცნონ საქმის მასალებს, რაც უზრუნველყოფს როგორც მისი ინტერესების სრულყოფილად დაცვას, ასევე, დააკმაყოფილებს საზოგადოების ლეგიტიმურ ინტერესს, იცოდეს, „ლიბერალის” რედაქტორზე თავდასხმა უკავშირდება თუ არა მის პროფესიულ საქმიანობას.
ქარტია მიმართავს შესაბამის უწყებებს, დროულად და ადეკვატურად შეასრულონ კანონით განსაზღვრული ყველა ქმედება და მედიას და საზოგადოებას ამომწურავი ინფორმაცია მიაწოდონ, "- ნათქვამია ქარტიის მიერ გავრცელებულ განცხადებაში.