ვიეტნამის პრეზიდენტი ტრან დაი ქუანგი ქვეყნის სამი ოფიციალური ლიდერიდან ერთ-ერთი იყო, რომელიც მეტწილად ცერემონიულ ღონისძიებებში მონაწილეობდა.
ვიეტნამის სახელმწიფო ტელევიზიის ინფორმაციით, ქუანგი მძიმე ავადმყოფობის შემდეგ, ადგილობრივი და უცხოელი ექიმების მცდელობის მიუხედავად, 61 წლის ასაკში დღეს გარდაიცვალა.
ქუანგი ვიეტნამის პრეზიდენტი 2016 წლის აპრილში გახდა. მანამდე ის უსაფრთხოების მინისტრი იყო, რომელიც დაზვერვასა და სახელმწიფო უშიშროების სხვა სამსახურებს მოიცავს.
პრეზიდენტი დედაქალაქ ჰანოიდან 70 კილომეტრის მოშორებით, პატარა დასახლებაში დაიბადა. ის ვიეტნამის კომუნისტურ პარტიაში ძალაუფლების მოპოვების შემდეგ, პოლიციის გენერალი და ერთ-ერთი ყველაზე დიდი ძალაუფლების მქონე სტრუქტურის პოლიტბიუროს წევრი გახდა.
ქუანგის ავადმყოფობის შესახებ ინფორმაცია რამდენიმე თვის წინ გავრცელდა. საჯაროდ ის ბოლოს ინდონეზიის პრეზიდენტ იოკო ვიდოდოს ვიზიტის დროს, 11 სექტემბერს გამოჩნდა. პრეზიდენტი მაშინ უკვე ძალიან ცუდად იყო.