დღეს, 22 სექტემბერს, 17 საათზე მთავრობის კანცელარიასთან აქცია გაიმართება.
როგორც აქციის ორგანიზატორთა მიერ გავრცელებულ ტექსტშია ნათქვამი, აქციის მთავარი მოთხოვნებია:
- დაუყოვნებლივ აღსრულდეს გამკაცრებული ტექდათვალიერების ნორმები
- დაუყოვნებლივ მოწესრიგდეს საჯარო ტრანსპორტი - მოხდეს ყვითელი ავტობუსების და ე.წ. სამარშრუტო ტაქსების გამართული ტრანსპორტით ჩანაცვლება (ტექდათვალიერება სავალდებულოა სამგზავრო (8 ადგილის ზემოთ) და სატვირთო (3,5 ტ. ზემოთ) ავტომობილებისთვის 2018 წლის 1 იანვრიდან თუმცა ნათელია, რომ აღნიშნული პრაქტიკაში არ ხორციელდება)
- დამოუკიდებელი და გამჭვირვალე ექსპერტიზის მეშვეობით შემოწმდეს და დაუყოვნებლივ გასაჯაროვდეს საწვავში არსებული მავნე ნივთიერებების ნუსხა და დასაშვებ ზღვრულ ნორმაზე მეტის არსებობის შემთხვევაში მოხდეს საწვავის სწრაფად ჩანაცვლება.
- მოხდეს მშენებლობების შეფუთვა დადგენილი წესის შესაბამისად
- მწვანე საფარის დაცვა, გაფართოვება.
აქციის ორგანიზატორები შესაბამის სახელმწიფო ორგანოებს თხოვენ, წარმოგვიდგინონ კონკრეტული გეგმა თუ როგორ და რა ბერკეტებით განახორციელებენ ეკოლოგიური პრობლემების მოგვარებას.
