სპეცოპერაციის დროს მოკლული 19 წლის თემირლან მაჩალიკაშვილის ოჯახისა და ახლობლების პროტესტის შედეგად, პანკისის ხეობის სოფელ დუისში, ხელისუფლების მიერ დაგეგმილი ღონისძიება „პანკისობა 2018“ ჩაიშალა. ამის შსახებ ინფორმაციას „რეგინფო“ ავრცელებს. 

„მთავრობა პანკისის ხეობაში სანამ გასართობ კონცერტებს დაგეგმავს და ჩაატარებს, მანამდე უნდა გაგვცენ პასუხი, რატომ მოკლეს 19 წლის თემირლანი. ჩემს შვილს ტერორიზმთან კავშირი თუ ჰქონდა და დამნაშავე იყო, უტყუარი მტკიცებულებები დადონ. ხელისუფლებას ადამიანების მოკვლის უფლება არ აქვს. ვიდრე თემირლანის მკვლელობის საქმე გამოძიებული არ იქნება და დამნაშავეებს არ დასჯიან, კანონის ფარგლებში არ მივცემთ შესაძლებლობას აქ გასართობი ღონისძიებები ჩაატარონ“, - უთხრა „პანკისის სათემო რადიოს“ მალხაზ მაჩალიკაშვილმა.

თემირლან მაჩალიკაშვილის ოჯახი "პანკისობის" ჩატარებას აპროტესტებს

პანკისში ბავშვებს ავტომობილი დაეჯახა, მძღოლი გადაყვანილია განყოფილებაში გამოკითხვისათვის - შსს

ვიდეო: პანკისის სათემო რადიო