პროცესი შეჩერდა. ჩვენ არ ვაპირებთ ამ პროცესის თავიდან დაწყებას ან გაგრძელებას, - ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ მცენარე კანაფის კულტივაციასთან დაკავშირებულ კანონპროექტზე საუბრისას განაცხადა.
„გაჩერებულია ეს პროცესი. მე მგონია, რომ ამ თემის გააქტიურების ხელახალი მცდელობა თქვენი მედიასაშუალების მხრიდან არ იქნება რელევანტური და სწორი. ეს პროცესი შეჩერდა. ჩვენ არ ვაპირებთ ამ პროცესის დაწყებას ან გაგრძელებას. არ ვაპირებთ ამ პროცესის გააქტიურებას და განხილვები არ არის დაგეგმილი ამ პროექტთან დაკავშირებით", - განაცხადა ბესელიამ.
შეკითხვაზე, გაიწვევენ თუ არა კანონპროექტს, ბესელიამ განაცხადა, რომ ეს საკითხი საბოლოოდ შეჯერდება იმ ავტორებსა და ინიციატორებთან ერთად, ვინც დოკუმენტი მოამზადა.