ხარისხის განვითარების ეროვნულ ცენტრს გიორგი ვაშაკიძე უხელმძღვანელებს. ამის შესახებ განათლების, მეცნიერების, კულტურისა და სპორტის მინიტრმა მიხეილ ბატიაშვილმა დღევანდელ ბრიფინგზე განაცხადა.
როგორც მინისტრმა განაცხადა, გიორგი ვაშაკიძეს აქვს ათწლიანი სამუშაო გამოცდილება საერთაშორისო კერძო/საჯარო ორგანიზაციებში, აქვს აკადემიური საქმიანობის მნიშვნელოვანი გამოცდილება სხვადასხვა უმაღლეს სასწავლებელბში, მუშაობდა ექსპერტად გაეროს განვითარების პროგრამებში, იყო რუსთაველის ეროვნული სამეცნიერო ფონდის საბჭოს წევრი. მისივე თქმით ვაშაკიძე არის არაფერთი მონოგრაფიის, კვლევისა და სტატიის ავტორი.
მიღებული აქვს სამართლის მაგისტრისა და სამართლის დოქტორის წოდება ჰამბურგის უნივერსიტეტში.
მიმდინარე წლის 10 სექტემბერს სამინისტროს სსიპ-ების ხელმძღვანელები თანამდებობებიდან გათავისუფლდნენ. მანამდე ხარისხის განვითარების ეროვნულ ცენტრს თამარ სანიკიძე ხელმძღვანელობდა.