საქართველოს ტერიტორიაზე ამინდი გაუარესდება, ზოგიერთ რაიონში მოსალოდნელია ქარი. ამის შესახებ „ლიბერალს“ გარემოს ეროვნული სააგენტოდან განუცხადეს.
გარემოს ეროვნული სააგენტოს სინოპტიკოსის დოდო გვაზავას თქმით,დღეს ღამით ქარი გაძლიერდება დედაქალაქშიც.
„შავი ზღვის ჩრდილო-დასავლეთიდან დასავლეთ საქართველოში გავრცელება დაიწყო ცივი ჰაერის მასებმა, ამიტომ დასავლეთ საქართველოს უმეტეს რაიონში ღამისა და დილის საათებში, დღის პირველ ნახევარში იწვიმებს, ასევე იწვიმებს აღმოსავლეთ საქართველოს დასავლეთი ნაწილის უმეტესს რაიონში. გაძლიერდება დასავლეთის მიმართულებით ქარი, მათ შორის თბილისშიც“,-განუცხადა „ლიბერალს“ გარემოს ეროვნული სააგენტოს სინოპტიკოსმა დოდო გვაზავამ.
