რამდენიმე დღის წინ კონკურსში „ათი საუკეთესო მოთხრობა მასწავლებელზე“ გამარჯვებულები გამოვლინდნენ. პირველი ადგილის მფლობელი და გამარჯვებული გახდა დავით გორგილაძე მოთხრობისთვის „სცენას ჩამოსასვლელი არ აქვს“. მეორე ადგილი ხვდა წილად ნინო ქადაგიძის მოთხრობას „ოქტომბრელი“, ხოლო მესამე ადგილის მფლობელი გახდა დიანა ანფიმიადი მოთხრობისთვის „მარსზე წყალი იპოვეს“.
კონკურსი ჟურნალ „მასწავლებლისა“ და ინტერნეტგაზეთ „mastsavlebeli.ge“-ს ორგანიზებით ყოველ წელს იმართება.
mastswavlebeli.ge მასწავლებელზე საუკეთესო მოთხრობების ათეულს აქვეყნებს, სადაც გამარჯვებული მოთხრობების წაკითხვასაც შეძლებთ.
გამომცემლობა „ინტელექტის“ განსაკუთრებული პრიზი სოფიო კუბლაშვილსა და თეა თოფურიას გადაეცა.
„პროფესიონალ ქიმიკოსთა ასოციაციის“ პრიზი საბუნებისმეტყველო საგნის მასწავლებელთა პროფესიის პოპულარიზაციასა და მხარდაჭერისთვის ალექსანდრე ლორთქიფანიძემ მიიღო.
მასწავლებელთა პროფესიული განვითარების ეროვნული ცენტრის პრიზებით კი კონკურსის სხვა მონაწილეები: მიშა ბახსოლიანი, ნათია როსტიაშვილი, ლუკა ბაქანიძე და ეთერ ქუთათელაძე დაჯილდოვდნენ.
