Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

დელ პოტრო: ბასილაშვილი ბრწყინვალე იყო

07 ოქტომბერი, 2018 19:31

ნიკოლოზ ბასილაშვილმა China Open-ის ფინალში მსოფლიოს მეოთხე ჩოგანი ხუან მარტინ დელ პოტრო დაამარცხა. ქართველმა ჩოგბურთელმა მოწინააღმდეგეს ორ სეტში ანგარიშით 6:4, 6:4 მოუგო.

მატჩის შემდეგ ცნობილმა არგენტინელმა ჩოგბურთელმა ბასილაშვილი შეაქო. დელ პოტროს თქმით, ბასილაშვილი რიგ მომენტებში მასზე უკეთესი იყო და ეს გამარჯვება დაიმსახურა.

„თამაშის მოსაგებად ყველაფერი გავაკეთე, ბოლომდე ვიბრძოლე, მაგრამ დავმარცხდი. ტურნირს ძალიან ღირსეული ჩემპიონი ჰყავს! ნიკოლოზ ბასილაშვილი უბრალოდ ბრწყინვალე იყო. რიგ მომენტებში ის ნამდვილად ჩემზე უკეთესი იყო და ეს წარმატება დაიმსახურა. დიდი მადლობა ტურნირის ორგანიზატორებს და ყველას, ვინც მგულშემატკივრობდა“, - თქვა ფინალის დასრულებისას დელ პოტრომ.

ნიკოლოზ ბასილაშვილის თქმით, დელ პოტროსთან თამაში მისთვის დიდი პატივი იყო.

„პირველ რიგში, მინდა ჩემი პატივისცემა გამოვხატო მოწინააღგმდეგის მიმართ. ჩემთვის დიდი პატივი იყო მასთან ერთ კორტძე მოხვედრა. დელ პოტროსთან თამაში ძალიან ბევრს ნიშნავს და თამაშით დიდი სიამოვნებაც მივიღე. ასევე მინდა დიდი მადლობა გადავუხადო ჩემს მწვრთნელს. მადლობა სპონსორებს, რომლებმაც აქ თამაშის შანსი მომცეს. ტურნირი დასაწყისიდან ფინალამდე ზღაპრულად ორგანიზებული იყო“, თქვა ბასილაშვილმა.

ნიკოლოზ ბასილაშვილი ჩინეთის ღია პირველობაზე გამარჯვებისთვის 700 000 დოლარზე მეტს მიიღებს. ქართველ ჩოგბურთელს სარეიტინგო ქულებიც მოემატა და 34-ე ადგილიდან 23-ზე გადაინაცვლა.

კომენტარები

ამავე რუბრიკაში

08 ივნისი
08 ივნისი

რატომ უნდა ვიცნობდეთ რეი კურზველს?

ლიბერალმა“, როგორც მედიაპლატფორმამ, არაერთი საზოგადოებრივ-პოლიტიკური პერიპეტია გამოიარა. რამდენჯერმე შეიცვალა სარე ...
12 დეკემბერი
12 დეკემბერი

რა მოხდა „ლიბერალში"

დეკემბრიდან „ლიბერალის" რედაქციამ მუშაობა შეწყვიტა. ახალმა სარედაქციო გუნდმა ჟურნალში მუშაობა 2019 წლის ივნი ...
29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...
^