ევროსაბჭოს საპარლამენტო ასამბლეის რეგლამენტის ცვლილებების შესახებ რეზოლუციის ავტორმა პეტრა დე სუტერმა პროექტი უკან გაიწვია. რეზოლუციის პროექტი კომიტეტს დაუბრუნდება.
რეზოლუციის შესახებ ევროსაბჭოს საპარლამენტო ასამბლეის სესიაზე პროექტთან დაკავშირებით მწვავე დებატები გაიმართა, რადგან დეპუტატების უმრავლესობამ მიიჩნია, რომ ის სინამდვილეში რუსეთის დელეგაციისთვის სანქციების მოხსნას ისახავდა მიზნად. რეგლამენტის ცვლილებების დასამტკიცებლად საჭირო იყო ასამბლეის წევრთა ხმების ორი მესამედი. მის განხილვას ევროპის საბჭოს საპარლამენტო ასამბლეა, სავარაუდოდ, 2019 წლის იანვრის პლენარულ სესიაზე დაუბრუნდება.
რუსეთის დელეგაციას ევროსაბჭოს საპარლამენტო ასამბლეაში ხმის უფლება 2014 წელს, ყირიმის ანექსიის გამო ჩამოართვეს. მოგვიანებით რუსეთმა ორგანიზაციის მუშაობაში მონაწილეობაზე და საწევროს გადახდაზე უარი განაცხადა.