Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

„მტკიცებულებების მოპოვების შემთხვევაში, გადაკვალიფიცირდება“ - პროკურატურა საფაროვის საქმეზე

11 ოქტომბერი, 2018 13:23

პროკურატურაში ამბობენ, რომ ვიტალი საფაროვის მკვლელობის საქმეზე გამოძიება გრძელდება და დამატებითი მტკიცებულებების მოპოვების შემთხვევაში გადაკვალიფიცირდება. 

დღეს ადამიანის უფლებათა ცენტრში ვიტალი საფაროვის მკვლელობის საქმეზე პრესკონფერენცია გამართეს. 

ცენტრში მიიჩნევენ, რომ ვიტალი საფაროვის მკვლელობის საქმეზე დაწყებული  გამოძიება მიმდინარეობს არასწორი კვალიფიკაციით,  კერძოდ, ვიტალი საფაროვის მკვლელობა არის ჩადენილი ჯგუფურად, ხულიგნური ქვენა გრძნობით, რასობრივი, რელიგიური, ეროვნული ან ეთნიკური შეუწყნარებლობის გამო.

ვიტალი საფაროვის მკვლელობის საქმეზე ამ დროისთვის დაკავებულია ორი პირი, რომლებიც ე.წ. ნეონაცისტური დაჯგუფების წევრები არიან. მათ შორის ერთ-ერთს ბრალი წარდგენილი აქვს საქართველოს სისხლის სამართლის კოდექსის 108-ე მუხლით, რაც გულისხმობს განზრახ მკვლელობას (დამამძიმებელი გარემოებების გარეშე), ხოლო მეორე დაკავებულს ბრალი წარდგენილი აქვს, ამავე კოდექსის, 376-ე მუხლით, რაც დანაშაულის შეუტყობინებლობას გულისხმობს.

ვიტალი საფაროვის მკვლელობაში ბრალდებულები ე.წ. ნეონაცისტური ჯგუფის წევრები არიან - HRIDC

ვიტალი საფაროვი არასამთავრობო ორგანიზაცია „ჩართულობის და განვითარების ცენტრში“ მუშაობდა. იგი, მრავალი წლის მანძილზე აქტიურად იყო ჩართული მოზარდების ტოლერანტულ ბანაკებსა და სხვა პროექტებში, რასიზმის, ქსენოფობიისა და დისკრიმინაციის წინააღმდეგ.

----------------------------

ვიტალი საფაროვი თბილიში 24 სექტემბერს მოკლეს. გამოძიება 108-ე მუხლით  დაიწყო (განზრახ მკვლელობა) რაც 7-15 წლამდე მდე პატიმრობას ითვალისწინებს. 

შს სამინისტრომ 25 წლის ვატო საფაროვის მკვლელობაში ბრალდებული ორი პირი 1 ოქტომბერს დააკავა.

განზრახ მკვლელობისა და დანაშაულის  შეუტყობინებლობის ბრალდებით 2 პირი - 1998 წელს დაბადებული ა.კ. და 1995  წელს დაბადებული გ.ს. ცხელ კვალზე, თბილისში დააკავეს.

კომენტარები

ამავე რუბრიკაში

21 აპრილი
21 აპრილი

პროვოკაცია და ძალადობრივი ქმედებები, რომ ...

საქართველოს მთავრობის ადმინისტრაცია პანკისში განვითარებულ მოვლენებთან დაკავშირებით განცხადებას ავრცელებს. განცხადებაში ...
21 აპრილი
21 აპრილი

გახარია: სპეცრაზმი ხეობას დატოვებს, გაძლ ...

პანკისის ხეობას შსს-ს ქვედანაყოფები დატოვებენ, - ამის შესახებ შს მინისტრმა გიორგი გახარიამ პანკისის ხეობაში განაცხადა, ს ...
21 აპრილი
21 აპრილი

მოსახლეობის 90% თუ დაუჭერს მხარს, მაშინ ...

გიორგი გახარია და მთავრობის წევრების შეხვედრა პანკისში აქციის მონაწილეებთან დასრულდა. შინაგან საქმეთა მინისტრმა გიორგი გ ...
^