„რადიო თავისუფლების“ თბილისის ბიუროს ჟურნალისტი ნინო ჯაფიაშვილი უხელმძღვანელებს. ეს ინფორმაცია „ლიბერალს“ ნინო ჯაფიაშვილმა დაუდასტურა. 

ჯაფიაშვილის კანდიდატურა ხელმძღვანელის პოზიციაზე ღია კონკურსის ფარგლებში შეირჩა. თბილისის ბიუროს ხელმძღვანელის პოზიცია ვაკანტურია 2018 წლის თებერვლიდან, როცა აღნიშნული თანამდებობა მარინა ვაშაყმაძემ დატოვა. 

ნინო ჯაფიაშვილი ჟურნალ „ინდიგოს” დამფუძნებელია. მანამდე იყო ჟურნალ „ცხელი შოკოლადის” რედაქტორი და მისი ვებგვერდის კურატორი. საერთო ჯამში, მას სატელევიზიო, ბეჭდურ და ონლაინმედიაში მუშაობის 20-წლიანი გამოცდილება აქვს. ის იყო „ინტერნიუს ნეტვორკისა“ და ტელეკომპანია „რუსათავი 2-ის” რეპორტიორი, წამყვანი და პროდიუსერი. არის ჟურნალ „ლიბერალის” ერთ-ერთი დამფუძნებელი და ყოფილი აღმასრულებელი რედაქტორი. ასევე იყო ამ გამოცემის ონლაინპორტალის მთავარი რედაქტორი.

კავკასიის ჟურნალისტიკისა და მედია-მენეჯმენტის სკოლაში (GIPA) ნინო ჯაფიაშვილი ასწავლის მედიაეთიკას.

ჟურნალისტური ეთიკის ქარტიის საბჭოს წევრად აირჩიეს 2015 წლის 20 დეკემბერს.