Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

კობახიძემ სუბელიანთან შესვლის ნებართვა ჯაფარიძეზე, კვირას, P.S.-ს ანონსის შემდეგაც გასცა - დოკუმენტი

16 ოქტომბერი, 2018 19:47

პარლამენტის თავმჯდომარემ, ირაკლი კობახიძემ „ქართული ოცნების“ დეპუტატს, ვიქტორ ჯაფარიძეს ციხეში მირზა სუბელიანის მონახულების ნებართვა 5-ჯერ (6 ივლისს, 20 ივლისს, 10 სექტემბერს, 11 ოქტომბერს და 14 ოქტომბერს) მისცა.

საქართველოს პარლამენტიდან „ლიბერალის“ მიერ გამოთხოვილი საჯარო ინფორმაციის თანახმად, პარლამენტის თავმჯდომარემ ჯაფარიძეს გლდანის #8 პენიტენციურ დაწესებულებაში ბრალდებულ მირზა სუბელიანთან სპეციალური ნებართვის გარეშე მონახულების უფლება ბოლოს 14 ოქტომბრის ბრძანებით მისცა.

საქმე ისაა, რომ სამაუწყებლო კომპანია „რუსთავი 2-ის“ ეთერში მირზა სუბელიანსა და ვიქტორ ჯაფარიძის საუბრის ფარული ჩანაწერის შესახებ გადაცემა P.S.-ს ანონსი სწორედ, კვირას, 14 ოქტომბერს, დილის 9 საათამდე გავიდა. პარლამენტის თავმჯდომარემ კი ბრძანება, ამავე, არასამუშაო დღეს გასცა.

„ლიბერალის“ შეკითხვას - ციხეში ბოლოს როდის მოინახულა მირზა სუბელიანი? ვიქტორ ჯაფარიძე არ პასუხობს.

„მირზას, როცა მოუნდება, როცა მეტყვის და მოისურვებს, მაშინ შევხვდები. ცოტა ხნის წინ მისმა მეუღლემაც დამირეკა და მთხოვა, რომ კიდევ შევხვდე. მირზას სუიციდის მცდელობაც ჰქონდა“, - გვითხრა ვიქტორ ჯაფარიძემ.

აღსანიშნავია, რომ ციხეში მირზა სუბელიანის მონახულების მიზნით ჯაფარიძისთვის გაცემული დანარჩენი 4 ნებართვის შესახებ ბრძანებები სამუშაო დღეებშია გაცემული.

 

 

 

 

 

 

P.S.-ს ანონსი:

გადაცემა P.S-ში, სავარაუდოდ, მირზა სუბელიანისა და ვიქტორ ჯაფარიძის საუბარი 14 ოქტომბერს გავიდა. სამაუწყებლო კომპანიის ცნობით, იგი 11 ოქტომბერს არის ჩაწერილი. დღეს კი პროკურატურამ გამოაქვეყნა, როგორც თავად აცხადებს, 6 ივლისს ჩაწერილი აუდიოჩანაწერი, რომელშიც, სავარაუდოდ, მირზა სუბელიანი ამბობს, რომ გახმაურებულ საქმეებზე ტყუილს იტყვის, რასაც ხალხი დაიჯერებს. 

კომენტარები

ამავე რუბრიკაში

12 დეკემბერი
12 დეკემბერი

რა მოხდა „ლიბერალში"

დეკემბრიდან „ლიბერალის" რედაქციამ მუშაობა შეწყვიტა. ახალმა სარედაქციო გუნდმა ჟურნალში მუშაობა 2019 წლის ივნი ...
29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...
29 ნოემბერი
29 ნოემბერი

გრიგორი კარასინი თბილისში რუსული ცენტრის ...

თბილისში რუსული ენისა და კულტურის ცენტრი დეკემბერის შუა რიცხვებში გაიხსნება, რაც რუსეთ-საქართველოს შორის ურთიერთობების გ ...
^