თბილისსა და იმერეთში ერთობლივად ჩატარებული რამდენიმე სპეცოპერაციის შედეგად პოლიციამ 10-წევრიანი დანაშაულებრივი ჯგუფი დააკავა, - აცხადებს შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორი ვლადიმერ ბორცვაძე.
როგორც მან აღნიშნა, დაკავებულებმა რამდენიმე დღის წინ თბილისის ერთ-ერთ უბანში პირს უკანონოდ აღუკვეთეს თავისუფლება, გაიტაცეს და გამოსასყიდის სახით მისი ოჯახიდან დაახლოებით 3 მილიონ ლარს მოითხოვდნენ.
საგამოძიებო უწყების ცნობით, პირი იმერეთის ერთ-ერთ სოფელში იყო გატაცებული.
„დაკავებული სპეცოპერაციის შედეგად გათავისუფლდა და უვნებლად დაუბრუნდა ოჯახს", - განაცხადა ვლადიმერ ბოცვაძემ. მისი თქმით, „ამ სისხლის სამართლის საქმეში აღსანიშნავია, რომ დაზარალებულის ოჯახის წევრებმა სრული ნდობა გამოუცხადეს შსს-ს, ითანამშრომლეს და მათ ხელთ არსებული ყველა ინფორმაცია მიაწოდეს. ამის შემდეგ, შესაბამისი ოპერატიულ-სამძებრო და საგამოძიებო მოქმედებები დაიგეგმა".
გამოძიება საქართველოს სისხლის სამართლის კოდექსის 144-ე მუხლით (მძევლად ხელში ჩაგდება) მიმდინარეობს. აღნიშნული სასჯელი სასჯელის სახით 9-დან 14 წლამდე თავისუფლების აღკვეთას ითვალისწინებს.