გლდანის #8 ციხეში მირზა სუბელიანის მონახულების შემდეგ სახალხო დამცველის წარმომადგენელმა განაცხადა, რომ მირზა სუბელიანს სხეულზე მცირე დაზიანებები აღენიშნება, თუმცა, ომბუდსმენის ოფისის წარმომადგენლის თქმით, თავად სუბელიანი მისი ცემის შესახებ გავრცელებულ ინფორმაციას უარყოფს.
„მას აღენიშნება დაზიანებები ორივე ქვედა კიდურის არეში, იდაყვთან და კისრის მიდამოში, ეს იყო მცირედი სიწიტლეები, რაზეც სუბელიანმა განაცხადა, რომ დაზიანებები მიიღო 2018 წლის 15 ოქტომბერს, როდესაც სუიციდის მცდელობა ჰქონდა“, - განაცხადა სახალხო დამცველის წარმომადგენელმა.
სახალხო დამცველის წარმომადგენლის თქმით, აღნიშნული დაზიანებები მითითებულია ექიმის ჟურნალშიც და იგი ამ კონკრეტულ ინციდენტში საეჭვო გარემოებებს ვერ ხედავს.
