„ცდილობენ, რომ მირზა სუბელიანის საქმით გადაფარონ ჩემი და მალხაზ მაჩალიკაშვილის საქმეები. მირზა სუბელიანი ნაცემია. თუ თავის მოკვლა სცადა, ფეხებზე რატომ ჰქონდა სილურჯეები?“- განუცხადა ჟურნალისტებს დავით სარალიძის მამამ, ზაზა სარალიძემ პროკურატურასთან.
ამ წუთებში უწყების წინ აქცია-პერფორმანსი მიმდინარეობს. აქციის მონაწილეებმა ფერადი კვამლი გაუშვეს. მათ თან აქვთ ტრანსპარანტები წარწერით „ნუ გვაბოლებთ“.
„აქ იმიტომ მოვედით, რომ ვუთხრათ, ვერ დაგვაბოლებენ. როცა თადუმაძე დაინიშნა, შევხვდით და გვითხრა, რომ 2 კვირაში შეგვეხმიანებოდა. მაგრამ მას მერე არ შეგვხმიანებია. თუ კიდევ ნამუსი შერჩენიათ, აზრზე უნდა მოვიდნენ. მით უმეტეს ახალი დანიშნულია თადუმაძე და იმ სიტყვასაც კი არ ასრულებს, რაც თქვა“, - ამბობს ზაზა სარალიძე.
