ხულოში, ღორჯომის თემში, ხანძრის შედეგად ორი ადამიანი დაიღუპა. გარდაცვლილია შეზღუდული შესაძლებლობების მქონე 72 წლის კაცი და 18 წლის გოგო.
როგორც „ლიბერალს“ საგანგებო სიტუაციების მართვის სამსახურში განუცხადეს, 18 წლის გოგო, ცეცხლმოკიდებულ სახლში, სავარაუდოდ, შშმ პირის გადარჩენას ცდილობდა.
საგანგებო სიტუაციების მართვის სამსახურის მეხანძრე-მაშველები ამ წუთებში, ხანძრის სალიკვიდაციო სამუშაოებს აწარმოებენ. ადგილზე მუშაობს 4 სახანძრო-სამაშველო ჯგუფი
შინაგან საქმეთა სამინისტრომ საქმე სისხლის სამართლის კოდექსის 187-ე მუხლის მე-4 ნაწილით აღძრა, რაც გულისხმობს ნივთის დაზიანებას ან განადგურებას, ჩადენილს ცეცხლის წაკიდებით, რამაც გაუფრთხილებლობით ორი ან მეტი ადამიანის სიცოცხლის მოსპობა გამოიწვია.
ფოტო: აჭარის ტელევიზია