„ამ წუთებში პოლიციამ ჩხრეკის მიზნით გადაიყვანა განყოფილებაში იაგო ხვიჩია და ვახო მეგრელიშვილი", - ამის შესახებ ინფორმაციას „გირჩი" ავრცელებს.
„ამ სიტუაციაში ყველაფერს წყვეტს ჩვენი რაოდენობა, რამდენნი ვართ ამ ქვეყანაში ადამიანები, ვინც მზად არის საკუთარი თავისუფლება დაიცვას.
ამიტომ ყველას, ვინც ისედაც აპირებდა ფესტივალზე დასწრებას და ვინც ჯერ კიდევ ყოყმანობდა, გთხოვთ ახლავე წამოვიდეთ დედაენის ბაღში.
არ მივცეთ ხელისუფლებას ნება, მოგვექცეს ცხვრებივით!
თავისუფალო ადამიანებო, ჩვენი თავისუფლება დასაცავია", - აცხადებს „გირჩი".
