გელა ზაალიშვილი ახალგაზრდებს შორის მსოფლიო ჩემპიონია. ქართველმა ძიუდოისტმა (+100 კგ) ბაჰამის კუნძულებზე მიმდინარე მსოფლიოს ახალგაზრდულ ჩემპიონატზე ფინალში ავსტრიელი მეტოქე დაამარცხა და საქართველოს მეორე ოქროს მედალი მოუპოვა.
ინფორმაციას განათლების, მეცნიერების, კულტურისა და სპორტის სამინისტრო ავრცელებს.
მსოფლიოს ახალგაზრდულ ჩემპიონატზე ქართველმა ძიუდოისტებმა ჯამში 5 მედალი მოიპოვეს. მსოფლიო ჩემპიონები გახდნენ ლაშა ბექაური (-90კგ) და გელა ზაალიშვილი (+100კგ), ბრინჯაოს მედლებს დაეუფლნენ ჯაბა პაპინაშვილი (-60კგ), ლუკა მაისურაძე (-81კგ) და ონისე სანებლიძე (-100კგ). საქართველოს ნაკრებმა საერთო გუნდურ ჩათვლაში იაპონიის შემდეგ მეორე ადგილი დაიკავა.
