აუდიტის სამსახურის გვერდზე განთავსებული ინფორმაციის მიხედვით, სალომე ზურაბიშვილს ბადრი პატარკაციშვილის ოჯახის წევრებმა ფული შესწირეს. კერძოდ, ნანა პატარკაციშვილმა 17 ოქტომბერს 60 000 ლარი შესწირა. მზია თოთლაძემ - 60 000 ლარი. 60 000 ლარი შესწირა ნათელა პატარკაციშვილმაც.
ასევე, „მთაწმინდის პარკის“ დირექტორმა გელა დიღმელაშვილმა სალომე ზურაბიშვილს 18 ოქტომბერს 20 000 ლარი შესწირა.
გარდა ამისა, ბოლო დღეებში „ქართული ოცნების“ მიერ მხარდაჭერილმა პრეზიდენტობის კანდიდატმა შეწირულობა კიდევ ათეულობით ფიზიკური პირისგან მიიღო.
შემწირველებს შორისაა რეჟისორი გოგა ხაინდარავა. მან ზურაბიშვილს 15 000 ლარი შესწირა.