„ქართული ოცნების" მიერ მხარდაჭერილი პრეზიდენტობის კანდიდატი სალომე ზურაბიშვილი დღეს თბილისში შეზღუდული შესაძლებლობის მქონე პირებს ხვდება. ზურაბიშვილმა, რომელიც დღემდე პარლამენტში მთაწმინდის მაჟორიტარი დეპუტატია, შეხვედრის მონაწილეებს ბოდიში მოუხადა.
„ჯერ იმას ვერ მივაღწიე, რაც მთაწმინდის მაჟორიტარობისას მინდოდა. თუნდაც ის, რომ მიწისქვეშა გადასასვლელების ადგილზე ერთი ან ორი შუქნიშანი ყოფილიყო. მეჩვენებოდა, რომ ეს ძალიან მარტივი იყო, მაგრამ თურმე არ ყოფილა ისეთი მარტივი. ამისთვის მინდა, ბოდიში მოვიხადო თქვენთან, იმიტომ, რომ ეს ელემენტარული ვერ შევძელი", - მიმართა შეზღუდული შესაძლებლობის პირებს სალომე ზურაბიშვილმა.
