„დღეს, 23 ოქტომბერს შპს ტელეკომპანია კავკასის მიმართ, შემოსავლების სამსახურთან გაფორმებული გრაფიკით გათვალისწინებული პირობების შეუსრულებლობის გამო, ავტომატურად გამოიცა ქონებაზე ყადაღის დადების შესახებ ბრძანება, თუმცა ქონება რეალურად არ დაყადაღებულა". - უთხრეს ლიბერალს ფინანსთა სამინისტროში.
"აღნიშნულის შესახებ შემოსავლების სამსახურის მიერ მყისიერად ეცნობა ტელეკომპანიის წარმომადგენლებს. გარდა ამისა, მათვე განემარტათ, რომ ყადაღის ბრძანების გასაუქმებლად აუცილებელია ახალი გრაფიკის გაფორმება ან დავალიანების სრულად დაფარვა. დღესვე, შპს კავკასიამ კიდევ ერთხელ მიმართა შემოსავლების სამსახურს ახალი განცხადებით გრაფიკის გაფორმების თაობაზე. აღნიშნული განცხადება ახალი გრაფიკის შედგენის თაობაზე უკვე დაკმაყოფილებულია". - ამბობენ სამინისტროში.
როგორც ფინანსთან სამინიტროში გვითხრეს, " ქვეყანაში თავისუფალი სიტყვისა და მედია საშუალებების დაცვის მიზნით, შემოსავლების სამსახურის გადაწყვეტილებით, შპს კავკასიის მიმართ არ მოხდა ინკასოს ღონისძიების გამოყენება. რაც ნიშნავს იმას, რომ ტელეკომპანიას აქვს სრული შესაძლებლობა ყოველგვარი შეფერხების გარეშე განაგრძოს საქმიანობა".
შეგახსენებთ, რომ დღეს შემოსავლების სამსახურმა ტელეკომპანია „კავკასიის“ დაყადაღების ბრძანება გამოსცა.