„ქალბატონი ბრძანდებით, არ ვიკადრებ შეურაცხყოფა მოგაყენოთ“, - ასე მიმართა ბიძინა ივანიშვილმა „რუსთავი 2-ის“ ჟურნალისტ ეკა კვესიტაძეს. 

ბიძინა ივანიშვილი პირველი არხის, „ტვ პირველის“ და „რუსთავი 2-ის“ ჟურნალისტებს ხვდება. ივანიშვილის გაღიზიანება კვესიტაძის მიერ დასმულ კითხვას მოჰყვა, რომელიც თანამდებობის პირების ქონებას, ბინებსა და სახლებს ეხებოდა.

„თქვენს კოლეგებს პატივი ეცით, აი ეს არის „რუსთავი 2“ და თქვენ კარგად აჩვენებთ თქვენს კულტურას“, - თქვა ივანიშვილმა.