„არ აქვს მნიშვნელობა, ვიცოდი თუ არა“, - ასე უპასუხა ბიძინა ივანიშვილმა ჟურნალისტ ეკა კვესიტაძის შეკითხვას, იცოდა თუ არა, მან სპორტის ყოფილი მინისტრის ლევან ყიფიანის სავარაუდოდ სარდაფში ჩაყვანისა და ცემის შესახებ.
„მანერა „რუსთავი 2-ის“ და თქვენიც მათ რიცხვში , წარმოადგენთ „რუსთავის 2-ს“ და „ნაციონალურ მოძრაობას“, გახლავთ ის, რომ მოსახლეობამ ვერ გაიგოს სიმართლე, თქვენ მძევლად აიყვანეთ მოსახლეობის გარკვეული ნაწილი და აწვდით მხოლოდ სიცრუეს, თქვენს ტელევიზიაში არ არის დღემდე განსხვავებული აზრის მოსმენის საშუალება, თქვენ დღესაც აქ დაჟინებით ცდილობთ, რომ არ გაიგოს ტელემაყურებელმა ჩემი პასუხი, მოუხმეთ ელემენტარულ კულტურას, შეკითხვა დასვით და პასუხს დაელოდეთ, ნუ მიშლით საუბარს“,- უთხრა მან ჟურნალისტს, მას შემდეგ რაც ეკა კვესიტაძემ რამდენჯერმე ჰკითხა, იცოდა, თუა არა ამ ფაქტის შესახებ.
ბიძინა ივანიშვილი სამი ტელეკომპანიის ჟურნალისტების შეკითხვებს პასუხობს.
