ბიძინა ივანიშვილი 2016 წელს გამოქვეყნებულ პირადი ცხოვრების ამსახველ ჩანაწერებს ვერ იხსენებს.
„ვერ ვიხსენებ, ასეთი რა იყო. ვინ მაღალჩინოსნებზე, ღარიბაშვილზე?... რა გაქვთ მხედველობაში, კი არ მახსოვს? 2016 წელს? ვერ ვიხსენებ, გეფიცებით... რაზე იყო, შემახსენეთ. ვისზე გავრცელდა? იქნებ თქვენ ამიხსნათ, რა გაქვთ მხედველობაში?... არ ვიცი, რაზე საუბრობთ“, - თქვა ივანიშვილმა.
მან ჟურნალისტებს სთხოვა, პირდაპირ ეთერში დაესახელებინათ მაღალჩინოსნები, რომელთა პირადი ცხოვრების ამსახველი კადრებიც გამოქვეყნდა.
2016 წლის მარტში პირადი და ოჯახური ცხოვრების ამსახველი ვიდეოჩანაწერების შენახვისა და გავრცელების ფაქტზე საქართველოს სისხლის სამართლის კოდექსის 157-ე მუხლით ბრალი 5 პირს წარედგინა. ამას გარდა, 11 და 14 მარტს ინტერნეტსივრცეში გავრცელებული პირადი ცხოვრების ამსახველი ვიდეოჩანაწერის უკანონოდ მოპოვებისა და შენახვის ფაქტთან დაკავშირებით პროკურატურამ სსკ-ის 333-ე მუხლით ბრალი 8 პირს წარუდგინა.