მიხეილ სააკაშვილის თქმით, ეგზიტპოლის შედეგების თანახმად, გრიგოლ ვაშაძე უკვე პრაქტიკულად გამარჯვებულია.
მისი თქმით, ის არ მისცემს საშუალებას ივანიშვილს, გააყალბოს არჩევნები.
„დღეს საქართველოს გამარჯვების დღეა, ყველაფერი იქნება მაგრად", - მიმართა მან მოსახლეობას.
სააკაშვილმა მადლობა გადაუხადა დავით ბაქრაძეს, იმის გამო, რომ „ევროპული საქართველო," მათივე განცხადებით, მეორე ტურის შემთხვევაში, მხარს გრიგოლ ვაშაძეს დაუჭერს მხარს.
სამმა სხვადასხვა ეგზიტპოლმა სხვადასხვა შედეგი გამოაქვეყნა:
„რუსთავი 2-ის“ დაკვეთით ეგზიტპოლი „ედისონ რისერჩმა" ჩაატარა და მისი შედეგების მიხედვით, „ქართული ოცნების“ მხარდაჭერილმა კანდიდატმა, სალომე ზურაბიშვილმა ხმების 40% მიიღო. ასევე 40% მიიღო გაერთიანებული ოპოზიციის კანდიდატმა, გრიგოლ ვაშაძემ. „ევროპული საქართველოს“ კანდიდატმა, დავით ბაქრაძემ 10 % მიიღო.
„ქართული ოცნების" დაკვეთით ეგზიტპოლი „ფსიქოპროექტმა" ჩაატარა და მისი შედეგების მიხედვით, სალომე ზურაბიშვილმა პირველივე ტურში გაიმარჯვა.
კობახიძის თქმით, შედეგები ასეთია: სალომე ზურაბიშვილი - 52.3 %, გრიგოლ ვაშაძე - 28.1%, დავით ბაქრაძე - 9.1%.
ეგზიტპოლი ჩატარდა „ევროპულმა საქართველოს“ დაკვეთითაც. კომპანია „ბი-სი-ჯის“ (BCG Research) მიერ ჩატარებული ეგზიტპოლის მიხედვით გრიგოლ ვაშაძემ - 37% სალომე ზურაბიშვილმა - 35% დავით ბაქრაძემ კი 17% აიღო.