„ქართული ოცნების" მხარდაჭერილმა კანდიდატმა, სალომე ზურაბიშვილმა საპრეზიდენტო არჩევნების შემდეგ პირველი საჯარო განცხადება გააკეთა. მისი შეფასებით, პირველ ტურში პირველი ადგილი, ძალიან ბინძური კამპანიის მიუხედავად, ეს არის გამარჯვება.

„რუსთავი 2" ფიქრობს და აჯერებს ხალხს, რომ შეიძლება, მოვხსნა კანდიდატურა და რა? ვაშაძეს და რუსეთს დავუთმო ქვეყანა?!" - აცხადებს ზურაბიშვილი და დასძენს, - „და რა? მხარდამჭერები და თანამებრძოლები მივატოვო შუა ბრძოლაში?! მე მგონი არ მიცნობენ, კახელიც ვარ და მეგრელიც. ჯიუტი, ბოლომდე წამსვლელი, ჩემი ხალხის და ქვეყნის ერთგული, ამიტომ მზად ვარ მეორე ტურისთვის, ბრძოლისთვის. მჯერა იმის, რომ თქვენც კარგად ხვდებით, რომ დღეს არ არის არჩევანი ორ კანდიდატს ან ორ პარტიას შორის, არამედ არჩევანი ორ საქართველოს შორისაა. ჩვენ მხარეს არის სიმართლე, ევროპა და საქართველოს მომავალი".

28 ოქტომბრის საპრეზიდენტო არჩევნებში სალომე ზურაბიშვილმა 38.64% მიიღო, გაერთიანებული ოპოზიციის კანდიდატმა გრიგოლ ვაშაძემ 37.74%.