ფრაქცია „ქართული ოცნების“ წევრის, მარიამ ჯაშის თქმით, საპრეზიდენტო არჩევნების მეორე ტურის თარიღის გამოცხადების შემდგომ, მათ მიერ მხარდაჭერილი კანდიდატი სალომე ზურაბიშვილი აქტიურ კამპანიას დაიწყებს. ამის შესახებ მარიამ ჯაშმა ჟურნალისტებს „ქართული ოცნების“ ოფისში განუხადა.
„ჩვენ ველოდებით ოფიციალურად მეორე ტურის თარიღის გამოცხადებას, რის შემდეგაც სალომე ზურაბიშვილი აქტიურ, ძალიან ეფექტურ კამპანიას დაიწყებს. პარალელურ რეჟიმში უკვე დაწყებულია სამუშაო შეხვედრები რეგიონებში, რომ მაქსიმალურად ყველა რეგიონს ვეწვიოთ და ჩვენი სათქმელი მივიტანოთ ხალხამდე, იმ გზავნილის საპასუხოდ, რომელიც ჩვენ მივიღეთ პირველ ტურში და დარწმუნებულები ვართ, რომ მეორე ტურში იქნება დამაჯერებელი გამარჯვება. სალომე ზურაბიშვილი ყოველდღიურ რეჟიმში არის ჩართული „ქართული ოცნების“ ყველა ლიდერთან კონსულტაციებში. კამპანიის მეორე ფაზა დაიწყება უახლოეს პერიოდში, როგორც კი გახდება ცნობილი ოფიციალურად თარიღი არჩევნების მეორე ტურის“, - განაცხადა ჯაშმა.
გია ვოლსკი: სალომე ზურაბიშვილი ამომრჩეველთან შეხვედრებს დაიწყებს
საპრეზიდენტო არჩევნების პირველი ტურის შემდეგ ხელისუფლების მხარდაჭერილმა კანდიდატმა სალომე ზურაბიშვილმა მოსახლეობას მხოლოდ ერთხელ, არჩევნებიდან მესამე დღეს, მიმართა, როდესაც გააცნო გადაწყვეტილება, რომ მეორე ტურში საბრძოლველად მზად იყო.
„როცა იქნება, საჯარო გახდება" - როდის განაახლებს სალომე ზურაბიშვილი კამპანიას
