ამერიკის შეერთებული შტატების ელჩის მოვალეობის შემსრულებელი საქართველოში, ელისაბედ რუდი, სოფელ ატოცთან საოკუპაციო ძალების წარმომადგენლების მიერ ახალი ღობის აღმართვას ეხმაურება და აცხადებს, რომ აშშ გმობს რუსეთის ფედერაციის ქმედებებს ადმინისტრაციულ საზღვართან.
„ამერიკის შეერთებული შტატები ყოველთვის გმობდა და გმობს რუსეთის ფედერაციის ქმედებებს ადმინისტრაციულ საზღვართან, სამხრეთ ოსეთსა და აფხაზეთთან. აშშ ყოველთვის მოუწოდებდა და მოუწოდებს რუსეთს, შეასრულოს 2008 წლის შეთანხმების პირობები, გაიყვანოს ჯარები ომამდე არსებულ პოზიციამდე, წაიღოს უკან აფხაზეთისა და სამხრეთ ოსეთის დამოუკიდებელ ქვეყნებად აღიარება და ამ რეგიონებს ჰუმანიტარული ხელმისაწვდომობის ნება დართოს“, – განაცხადა ელისაბედ რუდმა.
